MUNISIPYO NG MASANTOL, 3 BESES NILOOBAN NG MGA MAGNANAKAW SA LOOB LAMANG NG 1 BUWAN

Pinasok ng mga hinihinalaang magnanakaw ang munisipyo ng Masantol kagabi ayon sa kwento ng ilang mga testigo.

Habang kasagsagan ng ulan, bandang 7:00 hanggang 8:00 ng gabi hinihinalang pumasok sa munisipyo ang mga magnanakaw. Ayon sa salaysay, nakapagtatakang nakasindi ang ilaw sa opisina ng Municipal Treasurer’s Office na nasa ground floor ng munisipyo. May residenteng dumadaan ang aksidenteng napasilip sa nakakandadong glass door ng munisipyo at nakita niya ang isang tao na mahaba ang buhok at nagmamadaling umakyat sa second floor. Dali-dali itong ini-report sa mga pulis na ilang hakbang lamang ang layo sa munisipyo.

Napag-alaman na nabasag ang  pintuan ng treasurer’s office. Nakita rin na bukas ang dapat ay nakakandadong  pintuan ng Sangguniang Bayan office.

Hindi pa naglabas ng official statement ang Office of the Mayor at ang PNP Masantol dahil kasalukuyan pa rin ang investigation. Hindi pa alam kung anu-ano ang nasira at nawala sa munisipyo.

Sa ngayon ay naka-cordon at padlock ang munisipyo at wala pang pinapayagang pumasok at hinihintay ang SOCO team upang pangunahan ang investigation. Kasalukuyang nasa labas ang mga empleyado ng munisipyo.