Cashier, binuhusan ng tubig, pinagmumura at pinakain ng pera ng customer

Matindi ang inabot ng isang cashier ng canteen matapos buhusan ng tubig, batuhin ng bote, pagmumurahin at pakainin ng pera ng isang customer na huling-huli sa CCTV.

Maluha-luhang dumulog ang cashier na si Marjorie Reynaldo sa barangay bitbit ang ebidensya ng pagmamaltrato ng customer na napag-alamang may-ari ng laundry shop na malapit sa canteen. Napag-alamang John Paul Encinas ang pangalan ng nang-abusong customer.

Kwento ni Marjorie, nananghalian sa kanilang canteen si John Paul ngunit hindi agad nagbayad at sinabing kukuha lamang ng pera sa kotse.

“Nung siningil ko po s’ya sabi niya mamaya na lang po daw dahil ang pera n’ya nasa kotse. Sabi ko ‘di po pu-pwede, ngayon na. Sinabi ko po kung sa laundry po ba pu-pwede po ba yon tapos dun na po s’ya nagalit, tapos nagsisigaw po,” kwento pa ni Marjorie.

Nang bumalik si John Paul pagkatapos ng isang oras, uminom pa daw ng tubig pagkatapos ay binuhusan ng tubig ang kahera.

Huling-huli sa camera ang ginawa ng customer kay Marjorie. Hinatak ni John Paul ang kanyang damit kaya humampas ito sa counter. Maya-maya lamang, binato nito ng bote ng mineral water at binuhusan ng tubig si Marjorie. Walang nagawa ang pobreng kahera kundi umiyak.

Ilang minuto pa ay may ibinigay na pera ang kasamahan ni John Paul at dali-daling pumasok si John Paul sa cashier at isinubo niya ang bayad kay Marjorie.

Tinangkang pigilan si John Paul ng kasamahan ni Marjorie ngunit sumige pa rin ito at pinakain ang pera kay Marjorie.

Sinubukan daw kunin ang panig ni John Paul Encinas pero ayaw daw pa-interview nito ayon sa staff ng kanyang laundry shop.

Ito ang kumakalat na picture daw ni John Paul Encinas.

At ito ang nasabing video na kuha sa CCTV camera.

At ito po ang interview ng customer na si John Paul Encinas