Zendee Rose 'Random Karaoke Girl at The Mall' on The Ellen Degeneres Show

Photo courtesy of The Ellen Show

Remember Zendee Rose, the random girl singing at the mall? Well she made it to The Ellen Show! Wow!

Ipnalabas na noong October 26 sa show ni Ellen ang guest appearance ni Zendee.

Nadiskubre si Zendee na tubong General Santos City dahil may nag-post sa YouTube ng kanyang video habang kumakanta siya sa harap ng appliance store ng isang sikat na mall. Naging viral ang video ni Zendee at ito ang naging daan para magkaroon siya ng mga TV guesting sa mga programa ng GMA-7, kabilang na ang Party Pilipinas. Regular siyang napapanood ngayon sa show ni Manny Pacquiao na Manny Many Prizes sa GMA 7.

Hindi magkakilala nang personal sina Zendee at Manny, pero nagpasya ang Pambansang Kamao na i-manage ang singing career ni Zendee dahil nalaman niyang ito ay kababayan at kabilang pa sa kanyang mga scholars.

Si Zendee ang pangatlong Filipino na inimbitahan na mag-guest at mag-perform sa show ni Ellen. Nauna si Charice Pempengco noong 2007. Sinundan ito ni Rap Salazar noong November 2009.Nag-perform na rin sa Ellen ang Pinoy singer na si Arnel Pineda ngunit kasama nito ang American rock band na Journey.

"A star will be born on Ellen's stage" ang press release ng programa ni Ellen tungkol kay Zendee, na tinawag nila na "amazing singer."

"You'll never forget where you were the first time you heard Zendee Rose Tenerefe perform! She was a young woman who liked to sing at a karaoke display in a mall, but after a video of her set the internet on fire, Ellen knew she needed to bring her here! Don't miss this jaw-dropping, once-in-a-lifetime performance from a young singer who is about to be the next big thing!"

Gaya ng guest appearance ni Charice sa Ellen, ang "And I Am Telling You I'm Not Going" mula sa musical play na Dreamgirls ang inawit ni Zendee Rose.

Binigyan siya ng standing ovation ng studio audience at tumanggap ng iPad mula sa popular American TV host.

Sa interview sa kanya ni Ellen, ipinagtapat ng Filipina singer na palagi siyang kumakanta sa mga mall para makuha niya ang atensyon ng mga tao.

Pangarap ni Zendee na maging sikat na singer para maipagpatayo niya ng bahay ang kanyang mga magulang. Gusto rin niya na mapag-aral ang kanyang mga pinsan.

Ito ang video ng guesting ni Zendee sa The Ellen Show.

At ito ang video na nagpasikat kay Zendee Rose na kuha sa mall