 |
| This is the alleged bullet recovered at the 'crime scene' |
DISCLAIMER: Ang
balitang inyong mababasa ay ayon sa salaysay ng mga biktima. We are not saying
that it is the real story of what really transpired during the ‘pointing gun’
incident. This is a one-sided story as told by the victims who are minors.
Dahil hindi pa po natin makuha ang stataement ng kabilang panig, I will not mention
the names of the persons involved. Inuulit ko po, hindi po tayo magbabanggit ng
pangalan sa balitang ito hangga’t hindi natin nakukuha ang story ng kabilang
panig. HININGI PO NG MGA KAMAG-ANAKAN NG MGA BIKTIMA NA I-BLOG NATIN ITO DAHIL
MARAMI PONG MGA TAGA-MASANTOL ANG NAABOT NG ATING BLOG. MARAMING SALAMAT PO SA
PAGTITIWALA.
On December
23, at around 10:45 in Brgy. Sua, tinutukan ng baril ng isang dating elected official
ng Masantol ang tatlong kabataan – dalawa sa kanila ay menor de edad.
Ayon sa
salaysay ng biktima, nagkukwentuhan sila at iba pang mga residente ng Brgy. Sua
sa harapan ng isang tindahan at nandoon din ang ibang opisyales ng kanilang
barangay.
Bigla na lang
dumating ang dating elected official na may dalang baril at pinagmumura ang
tatlong kabataan habang nakatutok ang baril. Nagawa ng isa sa mga nakasaksi na ‘hawiin’
at ‘makipag-struggle’ sa dating elected official at nagawang ma-i-unload ang
bala ng baril at mahulog sa lupa. Dahil sa takot ay sinubukang tumakbo ng mga kabataan
ngunit nahuli ni dating elected official ang isa sa kanila na siya naman daw
talaga ang puntirya. Sinabi ng mga biktima na maaring ang naging ugat ng
pagwawala at panunutok ng baril ng dating elected official ay ang di-pagkakaunawaan
nila ng isa sa mga biktima na kanyang nabugbog.
Pag-aalaga daw ng manok ang trabaho
ng biktima at katabi lang daw ng bahay ni dating elected official ang bahay na
pinagtatrabahuhan ng biktima. Inakusahan daw ni dating elected official na
illegal na ginagamit ng biktima ang connection nito sa tubig. Gumagamit daw ng hose
ang biktima para ipandilig sa garden at paglinis sa manukan. Akala daw ni dating
elected official ay ‘nagnanakaw ng tubig’ o illegal na kumokonekta sa kanilang
gripo. Nang sinabi daw ng biktima na sa kanila ang gripo na ginagamit at
ipinakita nito mismo ang koneksyon nila sa gripo ay napahiya ang dating elected
official.
Wala ang
kanilang punong barangay nang nagyari ang insidente kaya tinawagan ng ama ng
isa sa mga biktima sa cell phone ang pulisya at agad naman rumesponde ang mga
ito at hinuli ang dating elected official. Ngunit
nang idadala na sa police headquarters ay biglang nahilo ang dating elected
official at nagpadala sa hospital. Siya ngayon ay nagpapagaling sa hospital.
Nakakalungkot
dahil Paskong-pasko pa naman at nangyari ang insidente.
Ipinagdarasal
po naming ang paggaling ng binatang biktima at gayon din ang mabilis na
paggaling ni dating elected official. Bukas po ang blog na ito para sa
pagbibigay liwanag sa nangyari.
This is where they found the bullet
This is the bruise on the body of the victim
No comments:
Post a Comment